الطّيرْ مَكَانُه في السّمَا
سَارِحْ يغنّي لِحَدّ صُوتُه ما يِتْنَبَحْ
والطّيرْ حَيَاتُه مُؤْلِمَه
عَايِشْ فِي ضَلْمَة وَبَرْضُه خَايفْ م الشّبَحْ
والطيرْ طَلِيقْ لكنّمَا
لمّا يُقَعْ في الحُبّ لازم يِنْدَبَحْ
❀
وأنا يا حبيبتي طير وحبّك كان قَفَصْ
دلوقت قلبي بعد موتي فيكي
فوق سلم عينيكي… رَقَـصْ
رقصة المدبوحْ
وأنا نِفْسِى أَبُوحْ
باللّي في نِفْسِي
بَسْ لو قلبك سَمَحْ