شعر عامية – إسمعي

 

إسمعي

كل كلمه بقولها ليكي إسمعيها

إمنعي

كل دمعه من عينيكي بتبكي بيها

رجّعي

زمني اللي كان ما بين إيديكي ورجّعيها

أيام زمان وسنين حنان

حرام عليكى تقتليها

وكفايه نار وانسي المرار

اللي ماليكي وكان ماليها

دمعه واحده لما تبكي

تساوي كل دموع عينيّا

صرخه جامده لما تشكي

تصحّي فيّا جراح خفيّه

جراح كبيره جراح كتيره

أخاف عليكي تجرّبيها

تبقى الحكاية سنين بكايَا

عشت ليكي أعاني فيها

في بعدي عنك بلاش تشُكّي

لحظة واحدة بس فيّا

يا خوفي منّك تيجى تحكى

تبكي تاني بين إيديّا

و كل ليله

تكون جميله

لو عينيكي

تقربيها

تعالي ليّا

وحسّي بيّا

أقولها ليكي

وتقوليها