شعر عامية – يَا رَب حَرّرْنِي

 

بَـضْـحَـكْ عَـلَـى نَـفْـسِي

وأبِـكـي عَـلَـى حَــالِـي

 

بَـضْـحَـكْ وأَنَــا بَـبْـكِي

وأصْـرُخْ بِـصُــوتْ عَـالِي

 

يَــا ذُنـُوبـِي فَـارْقِـيـنِـي

دِلْــوَقــتْ مــشْ بُـكْرَه

 

فَــارْقِـيـنِـي وسِيـبِـيـلِي

حَـبـّـةْ أَمَـــلْ ذِكْـــرَى

 

ضَاعِتْ سِنينْ مِنْ عُمْرِي

بَـعِـيـدْ عَـنّــكْ يَـا ربّي

 

نَـادِمْ حَزِينْ وأنَا عُمْـرِي

مَـا كَـانْ غِيرَكْ فِ قَلْبِي

 

يـَا رَبّ فِـيـنْ مَـا بَكُونْ

بَـدْعِـيـكْ يَا رَبّ الْكُونْ

 

إنـّـكْ تـحَــرّرْنِي

عَلَى نَفْسِي تنْـصُرْنِي

وتقُـولّـي كُنْ فَأكُونْ

 

فَـأكُـونْ كَـمَـا كَانِتْ

أحْـلَامِي مَـرْسُـومَه

 

ولَـوْ فِ يُـومْ ضَاعِتْ

فَـدِي قِسْمَةْ مَقْسُومَه

وقَـضِـيّـةْ مَحْسُـومَه

 

لَـكِـنْ أَنَـا بَـدْعِي

يـَـا رَبّ حَــرّرْنِي

 

حَـقّـقْ لِي أحْلَامِي

قَــوّيِـنِـي قَــدّرْنِي

****