.jpg)
قولّي وهات اللي عندك هات
قول ما خلاص القلب دا مات
قول واتكلم تاني و قول
متسبنيش كدا و انا مشغول
قول حبيتنى بس نسيتني
قول واديني سبب معقول
قولّي خلاص مبقتش بتفرح
لما تشوفني زي زمان
قولّي خلاص مبقاش دلوقتى
ليّا في قلبك أي مكان
قولّي خلاص من بعد رحيلي
مات جواك قلب الإنسان
قولّي خلاص مات الإحساس
قولّي خلاص انتهى وانداس
قولّي إنْ انت قضيت ويّايا
أحلى حكايه وعشت معايا
أحلى الأوقات
قولّي وهات اللي عندك هات
قول ما خلاص القلب دا مات
قول واتكلّم تاني و قول
متسبنيش كدا وانا مشغول
قول حبيتني بس نسيتني
قول واديني سبب معقول
قولّي انساني أو استناني
بس اتكلم تاني وقول
قولّي خلاص مبقتش عايزني
وإن الحب دا كله سراب
قولّي خلاص مبقاش فيه حب
بس توضّحلي الأسباب
قولّي خلاص دا أنا بعد رحيلك
صوتى رعود ودموعي سحاب
قولّي إن إحنا كتبنا روايه
بطلها بُكايَه
وكام دمعايَه منّك بطلات
قولّي وهات اللي عندك هات