شعر عامية – مُرَبّعَاتْ

 

 

دَايْـمـًا بَـكُـونْ زَعْـــلَانْ

لَـمّـا الـذّنُــوبْ تِـكْـتَــرْ

 

وأمّـا بَـشُـوفْ إِنْـسَـــانْ

عَ الــنّـعْمَــة يِــتْـبَــتّـرْ

 

لَــوْ كُـنْـت مَــرّه بَـشُوفْ

إِنْـسَـــانْ بَـــدَأْ يِـسْـكَرْ

 

بـَـأْمـُـرْ وبِـالْـمَــعْـروفْ

وأنْــهَـى عَـنِ الْــمُــنْكَرْ

 

وأمـّا بَــشُــوفْ مَـظْلُـومْ

لَازِمْ أَكُــــونْ جَــنْـبُــهْ

 

لَــوْ كَــانْ ضَـعِيفْ مَعْدُومْ

طَـبْ هُــوّ إِيــهْ ذَنْــبُــهْ

 

وِإنْ كُــنْـت مَــرّه بَـفُوتْ

عَلَـى نَــاسْ بِــلَا شُـغْـلَةْ

 

بَـصْــرُخْ بِـعِـلْـو الصّـوتْ

مــشْ وَقْــتِـنَــا أَغـْـلَـى

 

وأمـّـا بَـشُــوفْ مَـهْمُـومْ

بَـــاكِــي عَــلَــى حَـالُهْ

 

دَمْـعَــة عِيـنَـيّ تْــقُــومْ

فِ ثَــوَانِـي رَيْـــحَــالُهْ

 

وأمـّـا بَـشُـوفْ فَــرْحَـانْ

بَــفْـــرَحْ مَــعَ فَـرْحُــهْ

 

وأمـّـا بَـحِــب إنْــسَـانْ

بَـحْـكِـيـلُـهْ وبَـصَـارْحُـهْ

 

لَــوْ مَـرّه شُـفْـت فِ يُـومْ

مُـبْـصِـرْ لَـكِــنْ أَعْـمَــى

 

مِ الْـعَـقْـل كَــانْ مَـحْرومْ

بَـشْـكُـرْ عَـلَـى الـنّـعْـمَه

 

وأمـّـا بَـكُـونْ قَــلْـقَــانْ

بَـتْـوَضّــى وبَـــصَــلّـي

 

بَـــلَاقِـي مِ الـــرّحْـمَـنْ

الـــرّاحَــةْ تِـــوْصَـــلّي