.jpg)
خليك على عماك يا قلبي
إوعى تفتّح تشوف
لو قالّك معاك يا قلبي
قوله دا شيء معروف
لو قالك إنه عايز
يديك كل الجوايز
في الحب وفي الأمل
خليك ساكت وصابر
واكتم جواك و كابر
و حارب في الملل
متملّش من كلامه
مهما يكرّرُه
لو ينسى حرف منه
إنت تفكرُّه
ما الحب يادوب حروف
تتقال في وقتها
وبعد ثواني تسأل
إمتى انا قلتها
الحب يادوب حروف
▼▼▼
خليك على عماك يا قلبي
إوعى تفتح تشوف
لو دمعك ملاك يا قلبي
راجع تاني الكشوف
راجع كشف المدامع
دا تاريخ الحزن لامع
والغدر أهو انكشف
من يومها واضح وباين
مين اللي جارح وخاين
و مين اللى اتنسف
مين كان حزنه دايم
وحبيبه معذبه
و كان على عومه عايم
ودايمًا يتعبه
مش بكفايه الظروف
ونارها وغدرها
و أنا عايش عمري كله
بعاني منّها
مش بكفايه الظروف
خليك على عماك يا قلبي
إوعى تفتح تشوف