شعر عامية – الأُمْنِياتْ

 

كُـــلْ وَقـتْ ولُــهْ أَدَانْ

كُــلْ حـلْـمْ ولُـه زَمَـانْ

 

كُــلْ وَاحِــدْ مَـهْـمَا كَانْ

لِـيِـهْ أَمَـلْ يِـرْجَـعْلُهْ تَانِي

 

كُـــلْ مَـا بَفَكّرْ بَخَافْ

الأَمَــانِـي تِعيشْ ضعَافْ

 

فِ قَلبْ يَامَه شَالْ وشَافْ

هَـم مِـنْ أَحْـزَانْ زَمَانِي

 

قَلْبِي عَاشْ شَيّالْ حُمُولْ

رَغْـم شِيلْتُه كَانْ يُقُولْ

 

مَـهْمَا حُزْن اللّيلْ يُطُولْ

فِـيـهْ نهَـارْ يِمْلَا كيَانِي

 

قَلْبِي قَالّي بَلَاشْ هُمُومْ

قُـلـتْ لَأ لَازِمْ تُــدُومْ

 

قَـالّي طَـيّبْ عَ الْعُمُومْ

ابْـتِـدِي عِيشْ الأمَانِي

 

قُـلـتْ كُــل الأُمْنيَاتْ

عَـاشْهَا حلْمِي أُغْنِيَاتْ

 

قَـبْـل مَا يحَقّقهَا مَاتْ

بَـعـدْ مِنُّه بَقِيتْ بَعَانِي

 

قَـالّـي حَاوِلْ والسّلَامْ

قُلْـت كُل الْكُونْ ظَلَامْ

 

قَــالّي مَعْنَـاهَا انْهِزَامْ

قُلْت مشْ فَارْقَه الْمَعَانِي

 

تِـفْـرِقْ إِيـهْ لَمّـا يِحينْ

وَقتْ فَرْحْ وأكُونْ حَزِينْ

 

كُــل دَا بسَبَبَ الْحَـنِينْ

لِحلْمْ كَانْ عَايِشْ عَشَانِي

 

تِفْرِقْ إيِـهْ بَسْ وبَدِيلْ

كُـل هَـم دمُـوعْ تِسيلْ

 

يَعْنِي أبْـكِـي وَلاّ أشِيلْ

هَـم صُـورْتُـه مبَكّيَانِي

 

لأنّ دَه كُــلّــه خَـيَالْ

قَلْبِي عَاشُه وَفَجْأةْ قَالْ

 

حَــالِي هُــوَ بَرْضُه حَالْ

كُــلْ وَاحِدْ حلْمُه فَانِي

 

يِبْقَى إِيهْ مَعْنَى الْحَيَـاه

اللّـي فِيهَـا قَلْبِـي تَاه

 

مـشْ بِـإيدُه أَوْ رِضَـاه

بَسْ فَرْحِي خَلاصْ نَفَانِي

 

فَــرْحِي يَامَه قَالْ وُعُودْ

يَـامَه قَالّي فِ يُومْ هَعُودْ

 

يَـامَه صَـوّرْ لِي الْـوُجُودْ

صُـورَه لِـسّـه متْمَلّكَانِي

 

صُورَه عَايْشَه جُوّه صُوتْ

كَانْ حَزِينْ وكَانْ مَكْبُوتْ

 

كَـانْ خَلَاصْ قَرّبْ يِمُوتْ

بَـسْ كَـافِحْ قَــامْ بَنَانِي

 

واتْـبَـنِــيتْ بَعدْ انْهِدَامْ

وابْـتَـدِيتْ مِنْ غِيرْ كَلَامْ

 

وانْـتَـهِتْ كُـــل الآلامْ

الـلّـي كَـانِتْ مـعَـذّبَانِي

 

وامْـتَـلَـكْـت الإرْتِـيَاحْ

وابْـتَـدِيتْ أنَا فِ الْكِفَاحْ

 

فَرْحِي بَاعْنِي وفَجْأَةْ رَاحْ

مَـا هُــوّ كَـانْ دَايْمًا أَنَانِي

 

بَـسْ مـشْ فَـارِقْ مَعَايَا

يِبْقَـى فِ الْأفْـرَاحْ هَنَايَا

 

ولاّ فِ الْأَحْـــــزَانْ دَوَايَا

الْمُهّمْ لَقِيتْ مَكَانِي والْتَقَانِي