إحـنا صحيح أجـناس
لــكـننا واحـد
مـــعـقـولة فـيه فى الناس
للفكرة دى جاحـد
******
إحنا بشر
مهما انتشر
فينا اللى بيفرق ما بينا
واللى يقول أنا جنس سامي
إحنا نقوله عاشت الأسامي
إيه يعنى منتش زينا
منتش بشر
ساكن هنا
على أرضنا
ولا أنت ساكن فى القمر
أنت بشر
******
أنت غفير ولا وزير
عايش فى روسيا ولا فى زئير
أنت بشر
أنت موظف أنت مدير
عابد فى مسجد راهب فى دير
أنت بشر
*****
وإياك تكون فاكر عشان
أنت غنى
تبقى خلاص منتش بشر
تبقى غـبى
أصل الفلوس متميزكش عن البشر
كام ألف واحد قبل منك
كان فاكرها تميزه
مات فى النهاية
وبسببها
لما ضياعها نرفذه
لمّا خسر كل اللى حيلته
وامّا الطبيب يعجز بحيلته
والموت أتاه
هل ماله يقدر ينقذه؟
***
بالمختصر
أنت بشر
واللى انتصر
على نفسه هو دا البطل
***